Friday, January 11, 2008

စိတ်ဖိစီးခြင်းနှင့် တိုင်းရင်းဆေးဓာတ်စာ

စိတ်ဖိစီးမှုကြောင့် အစာအိမ်ရောဂါ၊ သွေးတိုးရောဂါ၊ နှလုံးရောဂါနှင့် လေငန်းလေဖြတ်စသောရောဂါကြီးများ ဖြစ်ပေါ်လာနိုင်သည်။ စိတ်ဖိစီးမှုကြောင့် စိတ်ပျံ့လွင့်ခြင်း၊ စိတ်တည်ငြိမ်မှုမရှိခြင်း၊ နှလုံးတုန်ခြင်း၊ ရင်ခုန်ခြင်း၊ အိမ်မပျော်ခြင်း စသောပတ်ဝန်းကျင်နှင့် လိုက်ရောညီထွေမဖြစ်သော လက္ခဏာများ ဖြစ်ပွားစေတတ်ပါသည်။

စိတ်ဖိစီးမှုဖြစ်ပေါ်ခြင်းမှ ကာကွယ်ရန်
(၁) ဒန့်ကျွဲရွက်ကို ပြုတ်ပြီး ပါးပါးလှီး၊ ကြက်သွန်နီ၊ ပဲမှုန့်၊ ဆီချက်၊ ငံပြာရည်၊ သံပရာရည်ထည့်ပြီး သုပ်စားပါ။ ထိုသို့စားခြင်းဖြင့် သွေးတက်ခြင်း၊ အိပ်မပျော်ခြင်း၊ နားထဲမှ အသံစုံကြားရခြင်းတို့ကို သက်သာစေနိုင်သည်။
(၂) ရဲယိုသီးမှည့်မှည့်ကို ထန်းလျက်သင့်ရုံထည့်၊ ရောမွှေပြီးစားပါ။ ရဲယိုရွက်ကို ငါးနှင့် ငါးပေါင်းထုပ်လုပ်ပြီး ချက်စားခြင်း၊ တို့စရာအဖြစ်စားခြင်းနှင့် သုပ်စားခြင်းတို့ကို ပြုလုပ်ပေးပါက စိတ်ဖိစီးမှုသက်သာစေနိုင်သည်။
(၃) ဖီးကြမ်းငှက်ပျောသီးကိုတစ်နေ့တစ်လုံးစားပေးခြင်း၊ ငှက်ပျောသီးကို ပျားရည်ဖြင့် စိမ်ပြီး စားခြင်း၊ ဖျော်ရည်လုပ်သောက်ခြင်း၊ မီးကင်စားခြင်းဖြင့် စိတ်ဖိစီးမှုကို သက်သာစေနိုင်သည်။
(၄) မြင်းခွာရွက်ပÍ္စငါးပါးကို ရေစင်အောင်ဆေးပြီး အမှုန့်ပြုလုပ်ကာ ပျားရည်နှင့် ရော၍ သောက်သုံးခြင်း၊ နွားနို့ဖြင့် သောက်သုံးခြင်းအားဖြင့် စိတ်ဖိစီးမှု သက်သာစေပါသည်။

No comments: